【Leave No Trace 山野無痕 不是一句口號】

近年行山露營潮大熱,多咗唔少朋友假日都會走到深山,感受下大自然嘅寧靜。當我哋到訪大自然嘅時候,其實都有唔少規則要遵守,做一個負責任嘅山林使用者。

山野無痕的意思

在登山、健行或露營時不留下任何痕跡,對營地生態及山林使用者減到最低的傷害。

-

為什麼要山野無痕?

隨著野外及露營風氣越盛行,郊野日漸不勝負荷,如果想香港的大自然美景可以保持原貌,越露越有,就更不可以做一個自私的山林使用者,對環境造成不可挽救的傷害。

-

山野無痕七大法則

呢個概念好早期已經出現,亦有相關機構為山野無痕構思咗七大法則,包括係:

1. 事前做好規劃與準備

  • 選擇好露營地點及路線,儘量避免人群集中的地點

  • 出門前重新包裝帶去露營的食物,減少於營地製造更多垃圾,及方便將垃圾帶到市區棄置

-

2. 在合適的地點行走宿營

  • 不行走正規山徑以外的草地或捷徑(多人行過的地方會寸草不生,落雨時更容易積水及沖走泥沙,令山路更禿更闊)

  • 切勿胡亂「爆林」,別為一時刺激感而破壞山林

-

3. 自己垃圾自己帶走

  • 帶走不屬於山野的東西,不留下任何痕跡

  • 盡量將自製的垃圾帶到市區棄置

  • 到山林大小解是沒有問題的,不過記得要帶走用完的廁紙(想嘔)

  • 果核/果皮需要帶走處理,不可隨意丟棄,蔬果類廚餘感覺上對大自然會有施肥作用,但過多的廚餘棄置只會大自然超出負荷,亦難以分解;而且會引來野生動物覓食,令他們過份依賴人類留下的廚餘作主食。

  • 除咗自己垃圾,最好當然帶走更多垃圾

-

4. 保持環境原有風貌

  • Leave what you find 眼看手勿動

  • 屬於大自然的東西不要隨便拿走

-

5. 減少用火對環境的衝擊

  • 嚴禁燒地!嚴禁燒地!嚴禁燒地!(重要的事要講三次)

  • 不要在草地上直接生火

  • 玩營火記得一定一定要用焚火台同防水墊,燃燒時發出的過高熱力會損害草地植被,令草地難以再有植物生長,光禿的泥土亦較易被水侵蝕,造成水土流失,令土地受到長久的傷害

-

6. 尊重野生動植物

  • 野生動物才是大自然的居民,作為訪客的我們盡量不作打擾保持距離

  • 若有牛牛或野豬闖入營區範圍,請大家友善對待,不要刻意攻擊

  • 不要隨便餵飼野生動物,長期依賴登山人士當成食物來源,會令他們失去覓食本能(記得妥善放好食物於安全的器皿,以免野生動物接近並搶奪食物)

-

7. 顧及其他山林使用者

  • 行山、露營時請將音量收細,附近有人時請不要大聲用喇叭播歌

  • 入夜要懂得收皮是正常發揮,大家都需要歇息的空間,不要做個自私鬼

  • 離開時將所有東西還原,帶走應該要帶走的垃圾

-

希望大家睇晒佢,睇完再分享俾身邊鍾意露營行山嘅朋友,一分享一祝福,等大家可以一齊保護呢個大自然,守護這一片土地💛長露長有~其實只要每個山林使用者都做好自己本份,其他人就唔洗做埋你個份💡好人一世平安!

-

如果係營地附近見到不正確使用山林嘅人士,希望大家可以直接行過去勸喻同教育佢哋~(盡做啦)

-

之前集思廣益想做個露營Q&A時,就有營友叫我講多啲關於山野無痕,店主盡力將網上資料整合好再加咗少少自己嘅個人睇法,如果資訊有咩不足/錯漏,歡迎大家係下面留言幫我補充下🙌

-
資料來源:綠惜香港


發表留言

請注意,留言須先通過審核才會發佈